^-^?

Hoxe acontecéronme unha serie de cousas insólitas. Eu soio ser bastante meticuloso nos meus actos, pero resulta, que neste día, varios descoidos seguidos mellaron a miña autoestima. Parecerá que estou contando un chiste.

Resulta que fun ao caixeiro do Banco Santander Central Hispano que hai na praza Roxa, e de vinte euros que escollín retirar só trouxen os recibos maila tarxeta, decateime cando xa estaba a trescentos metros. Inmediatamente despóis fun ao Froiz, e ó chegar ao piso, deime conta de que me faltaba unha bolsa da compra , quedárame na tenda. Seguidamente, cando me dispuxen a sacar as chaves que teño colgadas na carteira vella, caéronme os cartos no ascensor; tiven sorte de que estivera a porta automática pechada.

A verdade é que non sei moi ben que me está pasando. Bueh... polo menos cumprín coa miña parte da cadea de favores: espero que o/a que atopara os vinte euros, os necesitase bastante.